Plantamos Xirasoles!!

"Oculta no corazón dunha pequena semente

unha pranta en profunda paz durmía.

-Esperta!- dixolle o sol

-Esperta! díxolle a choiva fría.

A pranta que escoitou,  quixo ver que ocurría, 

Puxo un traxe verde, 

estirou os seus brazos cara arriba.

De toda planta que nace, 

esta é a súa historia bonita"

Cando comezou a primavera, na aula de 4 anos representamos esta sinxela poesía, poñéndonos na pel dunha pequena semente. Tanto nos gustou que decidimos "deitar" a nosa pipa de xirasol nunha camiña de terra e agardar a que suceda a maxia da vida!

                   

Agardaremos con emoción a que a nosa planta se vista de verde e estire os seus brazos cara arriba!

DÍA DE ROSALÍA

Hoxe conmemórase  o día de Rosalía de Castro. Este ano quixemos celebralo rememorando o seu poema Alborada, velaí tedes o resultado!!

Podedes tamén escoitalo se escaneades este código Qr

 

 Amais de recitar dito poema, elaboramos unhas carautas de Rosalía, facendo deste día unha celebración moi divertida!!

Feliz día de Rosalía no seu 185 aniversario!

DÍA DE ROSALÍA 2021

Fermosa homenaxe rosaliana das nosas crianzas de 3 e 4 anos, coa famosa Alborada da escritora, recreada dun xeito ben artístico.

FELIZ DÍA DE ROSALÍA!

DÍA DE ROSALÍA

Este ano quixemos celebrar o Día de Rosalía recuperando da memoria o pote e aprendendo uns versos do seu poema "Caldo de Gloria". 

Estes fermosos e coloridos potes sonche cousa de envidiar!! ao igual que o caldo e os bolos de pote que Rosalía describe no seu poema.

NO PAÍS DAS BOLBORETAS ...

... CADAQUÉN FAI O QUE LLE PETA

Este é o título do traballo que o noso centro presenta no Salón do Libro en Pontevedra, e aquí estamos os nenos e nenas das aulas de 6º de Infantil que o elaboramos (xunto con 3º e 4º de Primaria). 

Podedes ler no blog de MIMI como fixemos o traballo:
https://oblogdemimi.blogspot.com/2019/04/salon-do-libro-infantil-e-xuvenil-de.html

DÍA INTERNACIONAL DOS BOSQUES E DA POESÍA

No marco das conmemoracións do Día Internacional da Poesía e do Día Internacional dos Bosques, en Educación Infantil fixemos unha árbore de poesías.
A continuación podedes ver un breve resumo fotográfico de como nos quedou!

 

DÍA MUNDIAL DA POESÍA

O 21 de marzo celebrouse o día mundial da poesía, os alumnos e alumnas de Educación Infantil conmemorámolo recitando uns versos do libro Pola Rúa dos Versos de Ana Fernández.

Debuxamos o que máis nos gustou do poema.

E...mirade que artistas!!

Xogamos coas palabras, coas imaxes,

coas estrofas e os versos,

co corazón enchido de ledicia

desfrutamos sendo poetas

neste día de poesía!

DÍA DE ROSALÍA EN EDUCACIÓN INFANTIL

O 24 de febreiro celébrase o día de Rosalía. En educación infantil celebrámolo recitando uns versos dunha das súas poesías, Alborada, e facendo unha bonita postal. Agardamos que vos guste!

POESÍA DE OUTONO

Aproveitando que estamos no outono, os nenos e nenas de 5 anos traballaron unha fermosa poesía de Antonio García Teixeiro que ten que ver coa chegada desta estación. ¡Botádelle unha ollada os vídeos!

DÍA MUNDIAL DA POÉSÍA

Este 21 de marzo, celebramos o día da Poesía. Grazas a este xénero literario podemos facer voar a nosa imaxinación e os nosos pensamentos, con palabras ordenadas cun ritmo que manifesta moita creatividade e enxeño. Este ano traballamos a poesía "O meu barco" de Manuel María Fernandez Teixeiro e convertémonos en valentes capitáns e capitanas de barcos de xoguete.

RECITANDO

As nenas e nenos de 5 anos recítanos unhas fermosas poesías:

DÍA MUNDIAL DA POESÍA

O día 21 de marzo conmemórase o Día Mundial da Poesía. Os pequenos de tres anos traballaron e recitaron  a poesía "Tres Bolboretas" de X. Neira Vilas coincidindo coa chegada da primavera . ¡Botádelle un ollo!

Os nenos e nenas de 4 anos traballaron a poesía "Bicos" de Antonio García Teijeiro. ¡Facede clik na imaxe!

Os maiores de 5 anos traballaron as poesías  referidas ó Inverno e a Primavera de Antonio García Teijeiro. Ademais de recitalas tamén fixeron unhas fermosas ilustracións.