DÍA DA MULLER

 Na aula de 3 anos tamén celebramos o Día da Muller estampando e coloreando este mural tan chulo.

CON MOITA ARTE!

As crianzas de Infantil participaron moi emocionadas no xogo de pistas "Do 8 ao 18" que desenvolvemos no colexio no marco da conmemoración do Día da Muller. Día tras día, indagaron sobre cada unha das mulleres artistas homenaxeadas e, incluso, crearon e recrearon as súas imaxes como ben fixeron, por exemplo, as nenas e nenos de 6º de Infantil.

Moitísimos Parabéns, artistas!!! 

8-M Día Internacional da Muller

No Día internacional da Muller quixemos ensalzar a figura de todas as mulleres que forman parte das nosas vidas. Elaboramos un mural con debuxos representativos destas figuras: avoas, nais, tías, irmás.. A figura da "mamá" foi a máis reproducida. 

Neste momento tan convulso, debido á guerra en Ucraína, eleximos unha frase da canción Ay mamá de Rigoberta Bandini como lema.

A continuación deixámosvos unha foto de cada aula de Infantil.

Por unha sociedade máis igualitaria e xusta!!!

Por un mundo sen guerras!!!

XOGO DE PISTAS "DO 8 AO 18"

Marabillosa participación das nenas e nenos de 5º de Infantil no xogo de pistas "DO 8 AO 18: BD - MULLERES GALEGAS" no marco da conmemoración do Día Internacional da Muller.

Acertáronas todas!!!

Ademais, fixeron fermosas ilustracións de todas e cada unha delas, cos seus elementos máis representativos!

BRAVÍSIMO, ARTISTAS!!!

AS FAMILIAS CONTAN

Enmarcado na actividade "Do 8 ao 18: Lecturas en Feminino", hoxe veu contarnos un conto Mónica, mamá de Mario, de 4 anos.

Pero...hoxe o conto tiña unha voz feminina cun grande peso histórico... Contounos a vida da pequena Marie Curie. Todas e todos puidemos ver o valor dos seus achados e a importancia desta importante científica.

Moitas grazas, Mónica, por vir ata a nosa biblioteca!!!

AS FAMILIAS CONTAN

Continuando co ciclo de contos  "Do 8 ao 18: Lecturas en Feminino", hoxe veu visitarnos Sonia, nai de Danae, de 4 anos. Contounos "La princesa rebelde" e "Orellas de bolboreta".

Moitas grazas por vir ata a nosa biblioteca e enchela destes personaxes con voz feminina tan suxerentes!!!

AS FAMILIAS CONTAN

Continuando co ciclo "Do 8 ao 18: Lecturas en Feminino", hoxe veu contarnos uns contos Tamara, mamá de Iván de 3 anos.

Así de atentas e atentos estivemos na lectura de "La princesita espacial" e "Rosa Caramelo" de Adela Turin.

Moitas grazas!!!

AS FAMILIAS CONTAN

Dentro da actividade organizada pola Biblioteca do noso centro, "Do 8 ao 18: Lecturas en Feminino", hoxe veu contarnos un conto Tamara, nai de Lucas, de 4 anos. Todo o alumnado de Infantil escoitou emocionado "La princesita bombera".

Ao rematar, tras a nosa insistencia, contou "Os petos de Loreto".

Moitas grazas, Tamara, por compartir con nós estes contos e poñer voz feminina ás súas protagonistas!!!

AS FAMILIAS CONTAN

Hoxe, veu visitarnos Seila, a mamá de Elba (3 anos B). Ela é dentista e estivo connosco na aula explicándonos un montón de cousas sobre os nosos dentes.

Aprendemos cantos dentes temos, que é unha carie, como as/os dentistas miran os nosos dentes cun espello...

Explicounos como ter unha correcta hixiene bucal. Para rematar, contounos a súa experiencia en Nicaragua axudando aos nenos e nenas de alí.

Moitas grazas, Seila, por vir visitarnos e ensinarnos tantas cousas!

Teño unha "súper mamá"!

Enmarcada na semana da celebración do Día Internacional da Muller Traballadora, o pasado 15 de marzo @s nen@s das dúas aulas de 5 anos contaron @s compañeir@s de tres e catro anos por que teñen unhas "súper mamás". Velaí tedes unha pincelada do que foi esta actividade tan fermosa e enriquecedora.

DÍA INTERNACIONAL DA MULLER

Para conmemorar este 8 de marzo, Día Internacional da Muller, no Centro desenvolvéronse diversas actividades ó longo da semana: contos, diálogos, historia, debuxos...
Dende un contexto próximo para os nenos/as, destacamos o papel e participación das mulleres na sociedade; sobre todo  a  participación na construción das familias e a  conquista do mercado laboral.
As protagonistas da semana foron as mámas, avoas, tías, madriñas  e  tamén as coidadoras do comedor, monitoras, as caixeiras do super, as carteiras, as panadeiras e as pediatras. Todas elas mulleres importantes nas vidas destes cativos.

Aquí vos deixamos dous  dos contos que máis  nos gustoron dos que lemos estes días:
ARTURO Y CLEMENTINA  de Adela Turín, editorial Kalandraka

ROSA CARAMELO de  Adela Turín, editorial Kalandraka