VISITAMOS O PARQUE ARQUEOLÓXICO DA ARTE RUPESTRE DE CAMPOLAMEIRO

Hai uns días, as nenas e nenos de Infantil do cole desfrutamos da nosa saída de fin de curso. Visitamos o Parque Arqueolóxico de Campolameiro. 

Fixemos dous obradoiros moi interesantes, a través dos cales puidemos poñernos na pel das mulleres e dos homes da prehistoria: pintura rupestre e sementes do pasado.

Durante a nosa estancia no parque, realizamos dúas visitas guiadas: unha á exposición estable do edificio do museo; e outra, á área arqueolóxica, onde puidemos ver os petróglifos e unha recreación dun poboado da Idade de Bronce.

Na área exterior,  agardábanos unha sorpresa: un enorme labirinto!!! Pasámolo xenial tentando buscar a saída...que ten truco!

Plantamos Xirasoles!!

"Oculta no corazón dunha pequena semente

unha pranta en profunda paz durmía.

-Esperta!- dixolle o sol

-Esperta! díxolle a choiva fría.

A pranta que escoitou,  quixo ver que ocurría, 

Puxo un traxe verde, 

estirou os seus brazos cara arriba.

De toda planta que nace, 

esta é a súa historia bonita"

Cando comezou a primavera, na aula de 4 anos representamos esta sinxela poesía, poñéndonos na pel dunha pequena semente. Tanto nos gustou que decidimos "deitar" a nosa pipa de xirasol nunha camiña de terra e agardar a que suceda a maxia da vida!

                   

Agardaremos con emoción a que a nosa planta se vista de verde e estire os seus brazos cara arriba!

SAÍDA AO TEATRO

     O luns 17 de abril, as nenas e nenos de Educación Infantil fomos ao teatro. Vimos "Feo", unha adaptación, a cargo de Caramuxo Teatro, do conto "O parruliño feo" de Hans Christian Andersen, no Auditorio Sede Afundación de Pontevedra.

                                                Velaí as caras de felicidade que tiñamos!!!

        Despois de desfrutar da obra, achegámonos ao parque de Campolongo para merendar e...

 

Pasalo moi ben!!!

 

As nosas caras de felicidade falan por si mesmas!!!

A TRIBO DOS ECOBECHOS!

Hoxe veu Rocío ata o colexio, a ensinarnos a importancia da compostaxe. Coas súas historias e os seus xogos tan divertidos, aprendemos que podemos facer un montón de cousas para reciclar e reducir os residuos dun fogar e do cole.

Descubrimos unha terra máxica que fai ás prantas moi fortes: o compós. Tamén coñecemos a uns amiguiños moi importantes para a compostaxe: os bechos... arañas, cempés, miñocas, bechos bóla... todos son peóns no xadrez da compostaxe e... sempre fan xaque mate cando de compostar se trata.

Moitas grazas, Rocío, por crear conciencia dun xeito tan ameno!!!

Agradecer á Deputación de Pontevedra a organización de ditos talleres a través do Plan Revitaliza en centros educativos.

Canto aprendemos con Seila e Javi!!!

Hoxe viñeron á aula de 4 anos do cole Seila e Javi, nai e pai de Xabi (4 anos) e Elba (2º de Primaria). Explicáronnos o seu traballo: odontóloga e protésico dental. 

Aprendemos cantos dentes temos na boca, como hai que limpar os dentes e cal é a alimentación axeitada para ter unha boa saúde bucodental.

Contáronnos que o azucre é o maior inimigo dos nosos dentes, que o chupete e o biberón son grandes responsables de que os dentes nazan "torcidos" e, para rematar, mostráronnos como son as prótesis dentais e como se corrixen algúns defectos na dentadura.

MOITAS GRAZAS SEILA E JAVI!!!

FOI UN PRACER PODER CONTAR CON VÓS!!!

DÍA DA MULLER

 Na aula de 3 anos tamén celebramos o Día da Muller estampando e coloreando este mural tan chulo.

AS NOSAS EMOCIÓNS

     Na aula de 4 anos levamos un tempo aprendendo a poñer nome ás nosas emocións, xa que é moi importante, dende ben cativos, entender o que sentimos e saber como reaccionar, como calmarnos e como solucionar pequenos conflitos no día a día...

    A nosa andadura comezou cos contos "O Monstro de Cores" e "O Monstro de cores vai ao Colexio" da autora  Anna Llenas.

 

     Grazas á colaboración da Biblioteca Municipal de Barro temos na aula os "botes das emocións" e o "monstro da calma" inspirados nestes contos. Durante un montón de días fomos poñendo nome ás nosas emocións e coñecéndoas máis profundamente.

    Tamén elaboramos unhas "botellas da calma" ou "botellas máxicas" que nos axudan a sentirnos mellor cando estamos tristes ou enfadados. Velaí o resultado!

    Pero a nosa viaxe polas emocións non remata aquí. Durante estas últimas semanas acudiu á nosa aula Natalia. Da man dos seus contos: "¿Qué bigotes me pasa?" da autora Olga de Dios, "Tengo un Volcán" de Miriam Tirado Torras, e "Valeria" de Margarita del Mazo e os seus  talleres, puidemos profundizar un pouco máis e aprendemos que a timidez e a vergonza son emocións importantes que hai que xestionar, e que o volcán que se acende no noso interior cando sentimos ira, pódese apagar con só respirar moi profundamente.

Da gusto vérmonos así de implicadas e implicados!!! 

MOITAS GRAZAS!!!

SOMOS MADAMAS E GALÁNS POR UN DÍA!

Na clase de 4 anos do cole decidimos saber un pouco máis do entroido tradicional que se fai en Cobres (Vilaboa), vimos os sombreiros tan chulos e animámonos a facer o noso!

                                                    

A que estamos guapas e guapos?

O luns recibimos unha gran sorpresa: as Madamas e os Galáns de Cobres enviáronnos un vídeo saudándonos! Fíxonos moita ilusión!

Hoxe, tras rematar os nosos sombreiros, quixemos facerlles un pequeno agasallo, atrevéndonos a ser Madamas e Galáns por un día!

Moitas grazas ás veciñas e veciños de Cobres por este gran labor de recuperación do entroido tradicional e pola atención que tivestes con nós.

EXERCENDO DE VECIÑOS

Na clase dos Gatiños xurdiu a necesidade de pedir ao Concello auga quente para os baños e chocolate con rosca para os solicitantes. As nenas e nenos prepararon unha longa carta e pediron cita para levala. Os Canciños, informados polos seus veciños, quixeron apuntarse á iniciativa. O Alcalde prometeu estudar o tema da auga e atendeu uns días despois á demanda de chocolate. 

Moitísimas Grazas!!!

A muller e a nena na Ciencia

Para conmemorar esta data a cativada de Infantil do CEIP Amor Ruibal recibíu a visita de dúas marabillosas mulleres, farmacéuticas e veciñas, que lles amosaron como se elaboran algúns medicamentos e outros experimentos que lles permitiron descubrir a maxia do mundo científico.

 Moitísimas grazas, Nerea e Mireia, pola vosa colaboración!

 Pasámolo en grande!

 

A ELFA XIANA

A elfa Xiana cumpriu a promesa que nos fixera hai 2 semanas e veunos  visitar este venres. Tróuxonos de regalo uns cadernos matemélficos, demostrounos a súa maxia e despediuse. Coa promesa de darlle a Papá Noel todos os recados que lle enviamos. A elfa Xiana prometeu volver visitarnos

ESTIMULACIÓN DA LINGUAXE

Sara, mestra de Audición e Linguaxe, déixanos a presentación "Estimulación da Linguaxe" con información, pautas e algunhas actividades. 

Botádelle un ollo!

Tamén podedes acceder á información escaneando este código QR:

OBRADOIRO DE CABAZAS DE SAMAÍN!

Hoxe viñeron ao colexio, a pasar un ratiño con nós, Sonia e Vanesa (mamás de Saúl e Alma, respectivamente). Con elas fixemos un obradoiro de decoración de cabazas para a celebración do Samaín.

                               Baleiramos as cabazas, picamos os ollos e a boca e ... decorámolas!!!

                                                 Pasámolo xenial!!!  Velaí o resultado!

                                                Moitas grazas, Vanesa e Sonia!!!

PROXECTO SOBRE O MEDIO AMBIENTE

     Con motivo do 5 de xuño, Día Mundial do Medio Ambiente, na aula de 3 anos do noso cole estivemos vendo o conto ¿Qué le pasa al Planeta? de Eva Clemente.

    Na clase, estivemos falando da importancia de que cada persoa coide o noso entorno, pero...como podemos facelo? Pensamos que si procuramos non tirar basura ao chan, os animais non comerán cousas que non deben, se aprendemos a separar e reciclar o que xeramos, non malgastaremos os recursos, non haberá basura no mar, no campo...

    Fixemos uns libros cos que aprendemos o básico da separación de residuos e a importancia de que cada cousa vaia no seu contedor.

    Durante a semana pasada, recibimos unha grata sorpresa: uns carnés que acreditan que xa formamos parte do "Clube de nenos e nenas coidadoras do planeta".

Felices e con moita ilusión, tomarémonos esta responsabilidade moi en serio... E vós?...

AXUDÁDESNOS A SALVAR O PLANETA? NON HAI OPCIÓN B!

Facendo un tramo do Camiño de Santiago!

As nenas e os nenos de 3 anos, despois de rematar o noso proxecto sobre o Camiño de Santiago, enmarcado no proxecto de Centro "Barro no Camiño", quixemos facer un pequeno tramo do Camiño que pasa por Barro. 

Foi unha experiencia preciosa e moi enriquecedora!!! Puidemos comprobar "in situ" a simboloxía dos fitos e vimos moitos pelegríns aos que lles desexamos "bo camiño!".

Para a ocasión, tiñamos preparados uns sombreiros de pelegrín e unhas cunchas. Fomos a sensación do camiño!!! e moito fachendeamos.

Durante a nosa andaina tivemos unha grata sorpresa: Mónica deixounos ver o peixe que levaba na súa furgoneta e a todas e todos nos entrou moita fame!!! 

Tamén puidemos ver os carteis que elaboraron as nosas compañeiras e compañeiros maiores.

Para rematar, merendamos no parque de Santo Antoniño e xogamos un pouco; aínda tiñamos forzas para troulear.

Deixámosvos un vídeo resumo da nosa aventura de hoxe. 

FOI UN GRAN DÍA!!!

Excursión ao Grove

O pasado venres, día 3, o alumnado de 4 e 5 anos foi de excursión ao Acuario do Grove. Desfrutou moito e mesmo tivo un ataque virtual dun tabeirón!

Comimos nun precioso parque que hai na illa da Toxa, no que viven os grobits. Pero non había ninguén nas súas casiñas. Deberon ir tamén de excursión.

CAMIÑO DE SANTIAGO NA AULA DE 3 ANOS.

    Durante as últimas semanas, na aula de 3 anos do cole estivemos traballando o Camiño de Santiago. Nós quixemos centrarnos nos símbolos do Camiño e no tramo que pasa polo noso Concello. Durante a nosa "andaina" acompañounos un amigo moi especial: Valentiño!!! (do libro Bo camiño, Valentiño).

    Achegámonos ao noso patrimonio dun xeito moi divertido! Deixámosvos un vídeo resumo das nosas actividades máis destacadas.

     Lembrarvos que segue activo o padlet do Camiño de Santiago para continuar subindo a vosa foto ao lado dun fito do Camiño. Este é o enlace  👇

PADLET BARRO NO CAMIÑO

ANIMÁDEVOS!!!

FIN DO CAMIÑO PORTUGUÉS: SANTIAGO

Vexo as torres da catedral. Estou en Santiago!!! Rematou o meu camiño. Espero que o pasarades tan ben coma min!! Moitos bicos.

CUARTA ETAPA DO CAMIÑO INGLÉS: BETANZOS

Cheguei a Betanzos e tiven sorte. Están de festa. Constrúen un grande globo de papel e pola noite bótano a voar.

TERCEIRA ETAPA DO CAMIÑO INGLÉS: PONTEDEUME

Acabo de cruzar unha bonita ponte sobre o Eume e estou diante dunha gran torre: O Torreón dos Andrade. Estou en Pontedeume!!!