NADAL 2013

Este nadal  deu para moitísimas cousas como podedes comprobar neste vídeo. DESEXÁMOSVOS A TODOS BOAS FESTAS E FELIZ ANO NOVO.

BUSCANDO UNHA ESTRELA

Os nenos e nenas de 3 anos, interpretaron a panxoliña de Nadal "Buscando unha Estrela". Deste xeito queren desexarvos, a todos os lectores deste blogger, un ¡BO NADAL E FELIZ 2014! Este foi o resultado. ¡Botádelle un ollo! ¡Veredes que ben o fixeron!

LIM O NADAL

Aquí vos deixamos algunhas actividades de Nadal moi divertidas, ¡probade a facelas!

BUSCANDO UNHA ESTRELA

Os CANGUROS  e os PITIÑOS  cantan este fermosa panxoliña, é moi sinxeliña. Facede clik nas imaxes e escoitade.

HELLO REINDEER

Os nenos e nenas máis peques do cole e a teacher cantan esta fermosa cantiga de nadal.¡Cantádea con nós!

VISITA DA BANDA DE BARRO

MAGOSTO 2013

Celebramos a Festa do Magosto no día propio do San Martiño, o día 11 de novembro. Jose e Isabel asaron as castañas con moito cariño na súa locomotora para todos os nenos e nenas do cole. ¡¡¡Comémolas todas!!! Estaban moi ricas.

CANTIGAS EN INGLÉS II

HALLOWEEN 13

Un ano máis celebramos o Halloween, na nosa terra Samaín. Como veredes no vídeo fixemos esqueletos, fantasmas, gatos...; os nenos e nenas trouxeron cabazas decoradas e cantamos no ximnasio todos xuntos coa colaboración da teacher Mª Carmen, Amelia e Eva dúas cantigas en inglés: " O baile dos esqueletos" e "As cores do Halloween".

LIM SAMAÍN

Aquí vos deixamos un LIM do SAMAÍN moi divertido. ¡Probade a facelo!

I FEIRA DO LIBRO USADO

Este ano, para celebrar a Semana das Bibliotecas, entre outras actividades, fíxose  a I Feira do Libro Usado con material retirado da Biblioteca do Cole, tralo expurgo . Os nenos e nenas de todo o cole podían  ver o material e retirar un libro cada día dos que dura a Feira.

THE SKELETON DANCE

Aquí vos deixamos un vídeo coa cantiga e baile dun esqueleto moi divertido para este Halloween.

OS BOMBEIROS DE BARRO

Este mes de setembro houbo algúns incendios polos arredores. O grupo dos  Pitiños estivo moi motivado con esta temática: bombeiros, camión de bombeiros, incendios, rescates... Fixeron un pequeno traballo e un super camión de bombeiros. Por un intre convertéronse en bombeiros e foron de servizo apagar incendios no bosque e na cidade, a rescatar gatos enriba de edificios ou árbores...¡¡¡Botádelle un ollo e veredes que valentes son!!!

GOOD MORNING, MR. ROOSTER

Os nenos e nenas de 3 anos están cantando esta cantiga coa teacher para saudar pola mañá.

PRIMEIROS DÍAS NO COLE

Estes son os nenos e nenas de 3 anos, o grupo dos CANGUROS  e o grupo dos PITIÑOS, como podedes ver nesta presentación  adaptáronse moi ben ó Cole.

CANTIGAS EN INGLÉS

PEQUENAS HISTORIAS EN INGLÉS

BO VERÁN

2º TALENT SHOW

Por segundo ano consecutivo, celebramos no cole "O TALENTSHOW", os/as alumnos/as de todo o cole; prepararon as súas propias actuacións individuais e grupais; considerando as súas habilidades de baile, canto, instrumentais e de contadores de chistes. Organizouse en dúas partes, como poderedes ver máis adiante.

GRADUACIÓN 2012-2013

Os nenos e nenas de 5 anos remataron a súa estancia no 2º Ciclo de Educación  Infantil cunha festa de GRADUACIÓN á que convidaron ós pais e nais e que compartiron cos demais compañeiros/as do colexio e en especial cos de 6º curso que o próximo curso estarán no Instituto.

Estaban moi guapos cos seus birretes. ¡Botádelle un ollo!

A ESPANTALLA LÚA

Como ben sabedes, este ano temos unha pequena plantación de amorodos, que coidamos con moito cariño. Agora, comezan a madurar algúns amorodos e presentóusenos un pequeno problema: ¡os paxaros non deixaban unha! Despois de matinar un pouco, nunha solución para aquel problema, os nenos e nenas decidiron que o mellor era facer un espantallo. E así foi como Lúa comezou a formar parte das nosas vidas. ¡Botádelle un ollo ó vídeo e coñecerédela!

VISITA DO ESCRITOR RICARDO GÓMEZ

Este martes, recibimos no Centro a visita do escritor Ricardo Gómez. Como ben sabedes, este ano todo o centro traballou unha das súas obras "Ojo de Nube", nun Proxecto desenvolvido en colaboración co Club de Escritura Telémaco e a Asociación Española de Lectura e Escritura, coordinado por Laura Benítez.  Ricardo comezou a súa charla expresando a ilusión que lle facía coñecer  os seus lectores. Logo, foi respondendo ás preguntas dos nenos e nenas  relacionadas con esta estupenda obra, comentando detalles interesantes atopados na lectura, e  cuestións relacionadas co seu oficio de escritor.

150 ANIVERSARIO DE CANTARES GALLEGOS

 Este ano 2013 celébrase o 150 aniversario da publicación de Cantares Gallegos de Rosalía de  Castro,o día 17 de maio de 1863, aniversario de Manuel Murguía no que a súa compañeira lle ofrecía este poemario como sinal de amor mutuo e compromiso por Galicia, foi  o primeiro libro escrito integramente en lingua galega. Para homenaxeala os nenos e nenas de 5 anos recitaron e ilustraron  un dos seus poemas."¡Canta paxariño, canta..." ¡Botádelle un ollo!

CLUB TELÉMACO

    O Club de Escritura Telémaco posto en marcha pola Fundación SM e a Asociación Española de Lectura e Escritura (AELE), organiza este proxecto co que pretende fomentar o acercamento dos nenos/as e adolescentes á literatura.
   Este curso, todo o centro, infantil e primaria,  participa nun Proxecto do Equipo da Asociación Española de Lectura e Escritura (AELE). Dirixido por Estela D´ Angelo Menéndez e coordinado por Laura Benítez Sastre. A obra literaria coa que imos traballar é "Ojo de Nube" do escritor Ricardo Gómez.
Para máis información:  http://www.clubescrituratelemaco.org/index.php

RAPEANDO CON AÍD A ROSALIA DE CASTRO

Este ano cúmprese o 150 aniversario da publicación de Cantares Gallegos por Rosalía de Castro. Como vos anunciamos en días anteriores, a rapeira AÍD e unha grande admiradora de Rosalía de Castro, da cal interpreta algúns poemas a ritmo de rap no seu disco libro RAPOEMAS. Os nenos e nenas de 5 anos bailan a ritmo de rap os temas: "Apréndeo" e "Adeus ríos, adeus fontes" (poema de Rosalia). ¡Botádelle un ollo!

ENTREGA DO V PREMIO MIMI Ó PERSOEIRO DO ANO

Hoxe, fixemos a entrega do V Premio Mimi á rapeira viguesa AÍD. Como ben sabedes, este galardón é un recoñecemento a aquelas persoas que utilizan e fomentan o idioma e a cultura galega. O premio é unha talla elaborada por Rodríguez Remiseiro. Aid interpretou co alumnado de 5º, encargado de levar adiante este proxecto cada ano, o tema "Apréndeo" que tanto cantamos estes días no cole. Tamén nos confesou que Rosalia de Castro era para ela "o seu ídolo e unha gran muller". Regalounos a interpretación a ritmo de rap do poema "Adeus ríos, adeus fontes" recollido no seu disco libro " Rapoemas" da editorial Galaxia, que inclúe un bo feixe de poemas de Rosalía de Castro a ritmo de rap. ¡Podedes botarlle un ollo ó vídeo!

CANDIDATOS PREMIO MIMI 2013

Os alumnos/as de 5º fixeron a presentación dos candidatos á V edición do Premio Mimi. Os candidatos propostos este ano foron: Agustín Fernández Paz (escritor), Ángel Alfonso Piñeiro (mestre no centro durante 25 anos), Os Axóuxeres (serie debuxos emitida por tvG2 ; son unha familia divertida de monecos que vive  encol dunha mesa no dormitorio dun neno), Fina Casalderrey (escritora) e Aída Alonso Iglesias ( coñecida como AID, cantante e compositora de música urbana).  De seguido, fixéronse as votacións e tralo escrutino saiu como gañadora, cunha gran vantaxe, a rapeira galega "AID".

DON CARLOS

Este ano, para celebrar o Día do Libro, os nenos e nenas de 5 anos fixeron unha adaptación do conto "Dona Carme". Confecionaron un libriño, titulado "Don Carlos", no que escribiron e debuxaron para levar a casa. Ademais, aproveitando as TIC´s fíxose unha montaxe audiovisual que presentaron a outros alumnos/as. ¡Botádelle un ollo!

OJO DE NUBE: MARCAPÁGINAS

Un ano máis, para celebrar o Día do Libro, cada neno e nena elaborou un marcapáxinas persoal, para marcar os puntos de lectura. Este ano a elaboración xiraba arredor do libro "Ojo de Nube" que traballou o alumnado de todo o colexio. Os peques de 5 anos decidiron ilustrar algún tipy, tótem, montaña... pola cara de diante e pola traseira o nome indio que se puxeron.

PRIMAVERA 2013

¡¡¡Xa comezou a primavera!!! Para celebralo decidimos plantar sementes de tomates e de cenorias. E, como a case todos os peques lles gustan os amorodos, imos probar a coidar as plantas para ver o proceso de transformación, dende que é unha pequena flor ata converterse nun fermoso amorodo. Este ano, para a plantación inspirámonos nos indios crow; sementamos, regamos a diario e ¡¡imos ver se podemos recolectar algo pasados uns meses!!

OJO DE NUBE: VISITA DE LAURA

Na xornada de hoxe,  Laura Benítez Satre, a coordinadora do Equipo da Asociación Española de Lectura e Escritura (AELE), visitou o Centro para traballar a obra de Ricardo Gómez "Ojo de nube" polas distintas aulas participantes no Proxecto. Como agasallo, para Laura,  todo o alumnado do colexio, coordinado pola profesora de música Claudia, interpretou a cantiga de "Hani Kuni". ¡Botádelle un ollo! ¡Fixérono moi ben!

OJO DE NUBE: PISADAS

Mentres liamos o libro "Ojo de Nube" descubrimos que os nenos indios aprendían a identificar pisadas dende ben pequenos. Achegando a experiencia o noso contorno tratamos de identificar as pisadas dos animais máis coñecidos entre nós. Ademais, recollemos algunhas pistas para identificalos. ¡¡¡A ver ser os adiviñades!!!!

Pisadas from maite

Tamén, preparamos un xogo LIM, aproveitando os debuxos feitos para o traballo das pisadas, así coma o novo vocabulario. ¡¡¡ Probade a facelo!!!

CANCIÓN "HANI KUNI"

Vídeo da interpretación feita por alumnos e alumnas do CEIP Amor Ruibal da cantiga india "Hani Kuni".

DIVERSIÓN CON MAWA

Aquí vos deixamos uns vídeos moi divertidos para pasar un bo rato estas Pascuas. ¡Boas Pascuas a todos!

VISITA O COLE: ANXO MOURE

Este venres, 22 de marzo, recibimos no centro a visita do contacontos Anxo Moure. Coñecido por algúns coma "O CARBALLO CON BOTAS". Que nos contou unha historia fantástica sobre as árbores, de como alimentan a nosa imaxinación, da música das árbores... Tamén nos contou cousas dos seus inimigos o lume e o lixo. ¡Pasamos un intre moi agradable con el!

A TRIBU DOS INDIOS CROW

Grazas á lectura do libro "OJO DE NUBE" aprendemos moitas cousas sobre os indios crow. Con toda esa información cada neno e nena de 5 anos fixo o seu libriño para levar a casa e informar as súas familias. Aquí vos deixamos unha mostra.

OJO DE NUBE: OS INDIOS CROW

A través da lectura do libro "Ojo de Nube" fomos aprendendo moitísimas cousas sobre os indios crow. Todo o que aprendemos escribímolo e debuxámolo, resultando esta pequena aplicación de imaxes interactivas, que responde  a prenguntas sinxelas como: onde vivían, como eran as súas casas, que cazaban, que recolectaban, que facían... ¡¡¡Facede clic na imaxe, movede o rato e premede nos círculos!!!

OJO DE NUBE: A FAMILIA

Na aula fixemos un traballo sobre a familia de Ojo de Nube e tamén da familia de cada un dos nenos e nenas de 5 anos. O traballo titulábase "Eu e Ollo de Nube" ; consistía nunha comparativa da familia de cada neno/a e a de Ollo de Nube. Como resultado obtivemos a "Árbore Xenealóxica" de cada un dos alumnos/as e de Ollo de Nube. ¡¡¡Facede Clic na imaxe, movede o rato e premede nos nomes!!!

OJO DE NUBE: TRABALLANDO AS ILUSTRACIÓNS

Os nenos e nenas de 4 anos traballaron tamén a obra de Ricardo Gómez "Ollo de Nube" a través das ilustracións do mesmo. A través dos debuxos traballaron sensacións,sentimentos como podedes ver no seguinte traballo. ¡Botádelle un ollo!

CANTIGAS DO MOMENTO

Estas son as cantigas de máis éxito entre os máis peques do cole neste momento.¡Seguro que vós tampouco vos resistides a bailalas!!!!!

OJO DE NUBE: ESCRIBIR COMO LECTORES

Os nenos e nenas de 4 anos crearon un conto a partir da ilustración da portada do libro "Ojo de Nube", argumentando unha pequena historia. ¡Botádelle un ollo!

Sol dourado from maite

OJO DE NUBE: ESCRIBIR COMO LECTORES

No grupo de 5 anos  comezamos a traballar o Libro de "OJO DE NUBE", facendo unha lectura da imaxe da portada e creando a partir da mesma unha nova historia titulada " A VIAXE DE AVI E LUCERO". O traballo de argumentación e ilustración cos rapaces/as foi moi interesante, creativo e orixinal.

 O resultado foi este pequeno conto. ¡Unha historia fantástica! ¡Botádelle un ollo!

LIM: "A TRIBU GUAI"

Para axudarnos a recordar os nomes  de toda a nosa tribu e outras cousas importantes fixemos un xogo LIM. Se queredes podedes intentar facelo, ¡É moi divertido!

OJO DE NUBE: LIBRO NOMES INDIOS

Estamos traballando o libro "Ojo de Nube" de Ricardo Gómez. Para comezar, cada un dos nenos e nenas compuxo o seu nome indio (cun animal, planta ou astro máis unha calidade do mesmo). Tamén, fixeron o círculo sagrado para poñerlle nome á tribu, houbo varias propostas e escolleuse por votación.

ENTROIDO 2013

Xa chegou o ENTROIDO ao Cole e con el "Os mandados de Mimi".   "Cada día da semana un obxecto ou prenda vestirás, senón a cara pintarás": o luns algo de pallaso, o martes algo de animais, o mércores algo de indios, o xoves algo de magos ou meigas e o venres o gran día do que ti queiras. ¡Botádelle un ollo e veredes que ben o pasamos!

DÍA DA PAZ

Este 30 de xaneiro de 2013 celebramos  o "Día da Paz". Todos os nenos e nenas do cole cantamos e bailamos no ximnasio a cantiga "Color Esperanza " de Diego Torres. Tamén, elaboramos o "Tren da Paz" para o cal cada curso fixo a súa aportación.

SAÍDA Ó TEATRO PRINCIPAL PONTEVEDRA

Hoxe, luns día 28,  fomos ó Teatro Principal de Pontevedra en autobús para ver a obra de teatro "PIO" do grupo Caramuxo. Foi unha experiencia moi divertida.

A TODA MÁQUINA: ALEMAÑA

Nesta viaxe imos visitar ALEMANIA!Aprendemos unha chea de cousas! Grazas a información facilitada polas mamás e papás. Facede clic nos cadros e mirade as imaxes.

Aquí podedes ver tódalas cousas que aprendemos:

A avoa de Matilde estivo vivindo moitos anos en Alemaña e convidámola para que nos contara como eran: as rúas, as festas, as comidas...