OS NOSOS DISFRACES

O venres pasado celebramos no centro o noso habitual desfile e festa de disfraces. Para deixar testemuña do guapísimos e guapísimas que estabamos fixemos estas fotos ao remate.

 

 

 

Si queredes saber máis sobre o acontecido no cole durante toda a semana podedes ler "O blog de MIMI":
https://oblogdemimi.blogspot.com/2019/03/entroido-2019.html

AS FAMILIAS CONTAN

Hoxe visitounos Sonia, a mamá de Danae ( da clase de 3 anos A). Ela é enfermeira, e veu explicarnos como funcionan os pulmóns e o corazón. Entendímolo moi ben coa axuda do mural que fixo con Danae. Ademais, trouxo un fonendoscopio e un pulsómetro que tivemos a sorte de probar.

Grazas as súas explicacións, profundizamos máis no noso "Proxecto do corpo humano".

Moitísimas grazas, Sonia!!!

 Gustounos moito a túa visita!!!

DÍA DE ROSALÍA 2019

Este ano, para conmemorar o Día de Rosalía, recitamos a `Alborada´ coas demais nenas e nenos do colexio. Podedes ver o vídeo premendo no seguinte enlace:

https://oblogdemimi.blogspot.com/2019/02/alborada-de-rosalia-de-castro.html

E Felipe e Inés, o pai e a nai do noso compañeiro Fiz, fixéronnos unha visita e tocaron coa gaita e a pandeireta a `Alborada´. Nós acompañamos con palmas e con moita, moita alegría. 

Gustounos moito, moitísimo!!!

Un millón de grazas!!!

O vídeo da actuación de Felipe e Inés podedes velo no blog de MIMI:

https://oblogdemimi.blogspot.com/2019/02/dia-de-rosalia-2019.html

DÍA INTERNACIONAL DA MULLER E DA NENA NA CIENCIA

Hoxe, 11 de febreiro, é o Día Internacional da Muller e da Nena na Ciencia. En Infantil, quixemos conmemoralo coñecendo a unha importante muller na ciencia galega: Aída Fernández Ríos.

Ademais de acercármonos un pouquiño á súa figura, quixemos saber que era iso da "climatoloxía" (un dos campos onde desenvolveu o seu traballo). Para iso... Que mellor que facendo experimentos!!!

 "Recreamos unha nube" e provocamos que chovera dentro dun tarro!!!
Para poder aprecialo, tinguimos a "nosa choiva" de azul.

Tamén fixemos neve!

Pasámolo xenial e aprendemos un pouco máis sobre o mundo que nos rodea!

IMOS AO TEATRO!!!

O pasado luns 4, os nenos e as nenas de 4 e 5 anos fomos ver un teatro musical chamado Burbujas de papel.

Gustounos moito!!!

AS FAMILIAS CONTAN

Lorena, a mamá de Sofía (de tres anos), veu visitarnos para falarnos do seu embarazo, dentro do proxecto de aula sobre o noso corpo. Mostrounos ecografías, falounos do cordón umbilical, para que serve...

Prestamos moita atención e sentímonos felices de aprender tantas cousas e dun xeito tan divertido e cercano.

 Moitísimas grazas, Lorena!

DÍA ESCOLAR DA PAZ 2019

En Educación Infantil celebramos o Día da Paz facendo un montón de actividades encamiñadas a coñecer o verdadeiro significado da PAZ. Este curso o fío conductor foi John Lennon e a súa canción Imagine.

Aquí tedes un breve resumo dos nosos traballos plásticos.

Ademais, bailamos a danza italiana Sete Gesti, coa que expresamos o inmenso valor do perdón nas relacións positivas, que tanto favorece o benestar e a convivencia pacífica.
Podedes ver o vídeo do acto no que a bailamos coas familias que está recollido no "Blog de Mimi."
https://oblogdemimi.blogspot.com/2019/02/dia-da-paz-2019.html

PAPÁ NOEL VEU VISITARNOS!

O pasado mércores 19, Papá Noel fíxonos unha visita. Trouxo agasallos para tod@s polo concurso de postais do Concello e posou con todas as clases!

Aula 3 anos A

 Aula 3 anos B

 Aula 4 anos A

 Aula 4 anos B

Aula 5 anos A

Aula 5 anos B

Grazas pola visita!!

Podedes ver máis información sobre o concurso de postais no blog de Mimi:

https://oblogdemimi.blogspot.com/2018/12/postais-ganadoras-no-xviii-concurso-de.html 

AS FAMILIAS CONTAN

Este curso quixemos contar coa colaboración das familias no noso mural de Nadal. Pedimos que nos escribisen nunha estrela a palabra máis significativa no seno familiar relacionada co Nadal. Un sinfín de estreliñas cheas de sentimento comezaron a chegar ao colexio: amor, paz, cariño, ilusión, familia, ledicia, xuntos, sorrisos, amigos, infinito... Todas estas palabras e moitas máis forman o fermoso firmamento onde colocamos a estela de Nadal deste ano. 

Moitísimas grazas, familias, pola vosa colaboración!!!

Velaí o resultado!!!

NADAL EN INFANTIL

As árbores e as estrelas son as grandes protagonistas do Nadal de infantil este ano. Xunto a elas, elaboramos outros adornos e, por suposto, postais!! 
Neste vídeo resumo podedes ver todo o noso traballo, agardamos que vos guste!

Bo Nadal a todas e a todos!!!!!

PROXECTO DO APALPADOR

A principios de mes visitounos o Apalpador e deixounos contos e castañas! Quixemos, entón, investigar quen era!!

Fixemos un montón de actividades relacionadas con este personaxe do Nadal Galego: limos contos, cantamos cancións, realizamos un mural da serra do Courel coa fauna representativa e a imaxe do Apalpador e xogamos co taboleiro e o Bee bot a buscar a información agochada nas fotografías. Utilizamos a tablet e a pantalla dixital para saber máis ou, simplemente, para xogar con actividades lim sobre o Apalpador...

Canto aprendemos e canto gozamos!!!

Este é un vídeo resumo de todas as nosas actividades.

VISITA DE SUSA HERRERA

Hoxe as nenas e nenos de Infantil tivemos unha agradable sorpresa: Susa Herrera estivo no cole para presentarnos o seu traballo "Cantos Animais".

Nenos, nenas e profes divertímonos moito cantando a canción do Elefante, a do Gatiño, a do Crocodilo, a da Xoaniña e a do Caranguexo.

Pasámolo moi ben!! 

Moitas grazas, Susa pola túa simpatía e as túas cancións!!

SAMAÍN EN 3 ANOS

Para conmemorar o Samaín, nas aulas de tres anos, realizamos moitas actividades terrorificamente divertidas!! Xogamos a pescar ollos e arañas, creamos monstros, baleiramos e decoramos cabazas, limos contos de medo e realizamos diferentes motivos decorativos. Tamén fixemos "unha pantasma comemedos" e "un monstro comemedos".

Neste video resumo recollemos algunhas fotos de todas as actividades. 

ENTREGA DO X PREMIO MIMI A MAMÁ CABRA

Que ben o pasamos na entrega do Premio MIMI a MAMÁ CABRA!!!

Cantamos, bailamos, rimos e aplaudimos moito, moito, moitísimo!!!

VIVA MAMÁ CABRA!!!

Máis información no blog de MIMI:

https://oblogdemimi.blogspot.com/2018/10/entrega-do-x-premio-mimi.html

BENVIDAS E BENVIDOS !!!!

Durante o periodo de adaptación, os nenos e nenas de tres anos realizaron un mural de benvida ao novo curso. Foi moi divertido, e tiveron a oportunidade de coñecer á mascota da Biblioteca do Centro: Mimi.

Velaí tedes unha mostra da realización do mural e de como  quedou!!!!

VISITAMOS O PAAR DE CAMPOLAMEIRO

As aulas de 5º e 6º de Infantil realizamos a nosa viaxe de final de curso a Campolameiro. Como colofón do Proxecto dos Petróglifos e Prehistoria realizamos unha visita guiada e un obradoiro ao PAAR de Campolameiro, podedes ver no seguinte vídeo un resumo desta actividade.

PETRÓGLIFOS

Nestas últimas semanas de clase tivemos unha compañeira de viaxe moi especial....Petra!, unha nena da Idade de Bronce que viaxou no tempo para abrirnos as portas dunha etapa moi importante no desenvolvemento da nosa historia.

O proxecto arrancou dende a biblioteca do Centro cun xogo de pistas que nos levou a coñecer a Petra e iniciar o noso Proxecto de Petróglifos.

Pintamos fermosos murais con distintas técnicas e planos...

Na nosa investigación, sentimos curiosidade polos traballos coa palla, a profe Amelia ensinounos como se trenza a palla...

Nesta pequena  ventá ao pasado que abrimos tivo moito protagonismo tanto o presente coma o  futuro máis inmediato da nosa sociedade: as novas tecnoloxías. Dende o inicio xogando co robot Mbot que nos guiou nas pistas da biblioteca ata o final co achegamento da moita información do noso Concello sobre os petróglifos con códigos Qr.

 

ENTREGA AGASALLOS POLOS "CONTOS QUE CONTAN"

O día 13 de xuño viñeron Pili, da Biblioteca Pública, e o Sr Abraldes, o alcalde de Barro, para entregar uns agasallos ás aulas de infantil pola participación no Concurso de contos convocado polo Concello : "Os contos que contan"

Podedes mirar un pequeno vídeo do acto no Blog da Biblioteca:
https://oblogdemimi.blogspot.com/2018/06/entrega-de-agasallos-infantil.html

Ao remate fixemos unhas fotografías co noso agasallo, un lote de libros para cada aula.

 

VISITA Á BIBLIOTECA PÚBLICA DE CALDAS DE REIS

O pasado 8 de xuño, as nenas e nenos de tres anos do noso Centro visitamos a Biblioteca pública "Padre Martín Ferro" de Caldas de Reis. Rosa e Cristina, as responsables da biblioteca, ensináronnos que hai moitos libros diferentes: grandes, moi grandes, pequenos, moi pequenos, libros acordeón, con lapelas, con sorpresa, ... Contáronnos unha manchea de contos moi divertidos!!! Para rematar a visita na biblioteca, puidemos coller e ver os libros que quixemos da zona infantil!! Foi xenial e gozamos moitísimo!!!

Antes de voltar ao cole, merendamos no Xardín. Aquí podedes ver un vídeo resumo da xornada.

Grazas Rosa e Cristina por amosarnos a biblioteca, por facernos pasar unha mañá marabillosa entre  risos, sorpresas e fantasía, grazas por abrirnos, un pouquiño máis,  as portas do mundo máxico dos contos e dos libros!!

EXPOSICIÓN VOCES DE MULLERES

Rematamos o Proxecto Voces de Mulleres amosando e expoñendo o que aprendimos.

Os nenos e nenas de 3 anos faláronlle ás aulas de 4 e 5 anos de Maruja Mallo (pintora) e Marie Curie (científica).

Na aula de 4 anos B investigaron tamén a Marie Curie, a Alicia Suárez (ilustradora) e Menchu Lamas (pintora).

Na aula de 4 anos A investigaron a Paula Carballeira (escritora), Soledad Penalta (escultora) e Susana Martínez Conde (científica).

Na aula de 5 anos A investigaron a Adela Turin (escritora), Sonia Delaunay (pintora e deseñadora) e Susana Oubiña (científica, experta en robótica).

Na aula de 5 anos B investigaron sobre a vida de varias mulleres "Pioneiras" galegas: Isabel Barreto (almiranta), Celia Rivas (condutora de camión), Isabel Zendal (enfermeira), Áurea Rodríguez (gaiteira), Irene González (futbolista) e Ángeles Alvariño (bióloga).

Botádelle un ollo ao noso vídeo resumo:

Máis información sobre este proxecto no blog da biblioteca:
https://oblogdemimi.blogspot.com/2018/06/voces-de-mulleres.html